( الروتين )
آه يانا من الروتين
خلانا من الفاشلين
حالي إنسان / آلى
مازنجر وبغيارين
اليوم مشواره بيوم
نمشيه ف أوضة النوم
أدوب الصلى والصوم
تغيير للمسلمين
آه يانا من الروتين
ف البيت نفس السيرة
بس .
ياواد سكوت ياأميرة
كإنك قاعدجوه جزيرة
مفهاش م البني آدمين
آه يانا من الروتين
في:
الشارع قافلين سكة
والدمعة أخت الضحكة
الحب فلوس والفكة
قلب عشق ملايين
آه يانا من الروتين
تطلع شغلك راكع
من:
عرقك يبنوا مصانع
رأسمالية إيه المانع
ع القفا تضرب كفين
آه يانا من الروتين
تعود للبيت مهدود
تلقى الحال موجود
زوجة عبد الموجود
بتشخر ليها يومين
آه يانا من الروتين
عيشة تذل / تغل
مايعيشها غير دوهل
حتى ياناس الفل
خلاها جلة وطين
آه يانا من الروتين
خلانا من الفاشلين
( الروتين )
ل حربي علي
شاعرالسويس
ليست هناك تعليقات:
إرسال تعليق