هالعالم كلو مشغول
وعم بيحكي بسيرتنا
والوضع منو مقبول
وبعدها محتلة ضيعتنا
والحاكم عِنا مغلول
وصعب تتوحد كلمتنا
والجيش وضعوا خجول
وفيه كل ثقتنا
وبدو سلاح وبدو فيول
حتى يحقق رغبتنا
ووحدتنا سوى وعطول
وهيك بنعزز قوتنا
وعن غزة الحاكم بيقول
ما في صلة بتربطنا
وجنوبي شعبوا مخذول
وعنو سكتت دولتنا
وما بنعرف شو بدنا نقول
والحرب منو غايتنا
وما بدي كون المقتول
والعدو يسلب عزتنا
الكرامة هي الأصول
وبنقاتل لولا متنا
وعَ دم ولادنا ما في حلول
وعليهن نشفت دمعتنا
وعم ننتظرك يا أيلول
ونرفع فيك رايتنا
ومقاوم باقي وما بيزول
النصر أو شهادتنا
ومن عنا الجندي المجهول
وما حدى عارف قيمتنا
وسلاح لعنا ما حتنول
هو لِ حمى أرزتنا
وسلاحي جاهز على طول
ولبنان من دونو مشلول
وفيه بنفدي أمتنا
بقلمي إسحاق قشاقش.
ليست هناك تعليقات:
إرسال تعليق