نفسي أجيبلِك كل حاجه بتعجبك
نفسي عمري وضي عيني
ليكي وحدك أوهبك
نفسي اكونلك دعوة شافية
لو بعدتي عن عيوني تقربك
أبقى ليكي ضحكة صافية
لو زعلتي وحد فيهم عصَّبِك
نفسي أعمل م النجوم
عُقد ليكي يضوي بيكي يفرحك
لو بردتي أبقى ليكي فَرٌشة دافية
تبقى روحي هيه شالك معطفك
أبقى ليكي فرحه كافية
من هموم الدنيا تاخدك تخطفك
تبقي ليّا نور عنيا
كل فرح الدنيا ديه
أبقى حاجه تشرفك
م الليلادي وم الساعادي
اتولدتي ف روح فؤادي
وانتي برضه تاريخ ميلادي
نن عيني بيوعدك
نفسي اسعدك
بقلمي/ خالد جمال ٧/٩/٢٠٢٥
ليست هناك تعليقات:
إرسال تعليق