لو ضاق عليك المكان
في قلب حبيبتك
ارحل وشوف لك مكان
وكمان غير العنوان
واوعا تفكر ترجع
تاني. لنفس المكان
هتلاقي المكان انشغل
وقعد فيه سكان
والراجل الحر ياولدي
عشان يقعد
لازم يكون مالي المكان
كلمتة مسموعة وسيف
مكان ما تنزل تقطع
واوعاك تقول
اهو مكان والسلام
لازم تكون مالي المكان
والقلب والعين والعقل
والبدن كمان
ولازم تكون فارس
والحرة ياولدي تشيلها
جوه العين وتاج على الرأس
أما الخسيسة يا ولدي
ما تسوي فردة مداس
واوعاك تقول الحب سلطان
ما يغلبوش جان
الراجل الحر يا ولدي
راجل في كل زمان ومكان
وإن ضاق عليك. المكان
في. قلب حبيبتك
ارحل وغير العنوان
بقلم
احمد محمود
من ديوان. سكة. العاشقين
ليست هناك تعليقات:
إرسال تعليق