بيقوللي آسف
ماكانشي قصدي
أشغلك وَسَهّر عنيك
بيقوللي عارِف
حقك ده عندي
بختك كده يوقّعني فيك
بيقول كلام
زي السهام
مستني قلبي يقول ناسيك
طب اقولُّه إيه
وإيه بس ذنبي
هوُّه الغرام لعبة ف ايديك
مش كان زمان يتمنى قربي
ويعيشها جمبي
بيقول ده كان
أيام زمان
بس النهارده مابقتشي ليك
ده عشان ظروفي باع حب عمري
باع الليالي خان قلب غالي
نسي عشقنا ف كل الأماكن
ماخدعتهاش وماخنتهاش
وافقت أوام من غير نقاش
من غير كلام أو ليه ولكن
قالتلي عادي نصبر شويه
ده هواك يا عمري كل اللي ليّا
ف القلب ساكن
جالها اللي جاهز
سبعين سنة من عمره ناهِز
راجل كبير ف السن طاعن
خلصت حكايتي
كتبت بإيدها إنّ العذاب
يكون نهايتي
اعيش حياتي ساخِط ولاعِن
فوضت أمري وحسبي ربي
يجيبلى حقي من قلب خاين
باع الهوى وماكانش صاين
ارخصها شئ عنده العواطف
بيقوللي آسف
بقلمي / خالد جمال ٢١/٩/٢٠٢٥
ليست هناك تعليقات:
إرسال تعليق