بحبك
عشان انت هواك سر وجودي
عشان انت بيعلى معاك مودي
بتغني الروح طول مانا وياك
والقلب بيرقص على عودي
جيتني وخليتني أعيش تاني
وهواك كان منهى لأحزاني
جيتني وسكنت الآهه معاك
وعزفت ف حبك ألحاني
دأنا كنت غريب من غير شوقك
كان قلبي غريق ولقيت طوقك
وسفينة الحب خدتني معاك
وعشقتك وبقيت معشوقك
دانا كنت جناح ف الهوى مكسور
مهزوم ولجرح الروح مأسور
بس اتحررت خلاص بهواك
يوم ما ناداني ونط من السور
كان خوفي مانعني اني افضالك
بس الشوق راحلك أفضالك
دانا مش ممكن يا حبيبي اسلاك
ولا عمري راح انكر أفضالك
ربي يقدرني أسعد قلبك
وأكون شمعة تنور دربك
وأحقق كل ما تتمناه
ياللي سعادتي لقيتها ف قربك
بحبك
بقلمي/ خالد جمال ٣١/٨/٢٠٢٥
ليست هناك تعليقات:
إرسال تعليق