بعتلك مرسال
لا فيه منه ولا زيه
كلام محال يتقال
ولا فيش كلام زيه
يوصفلكوا الأحوال
ويمسِّي على خيُّه
ياجمال وماله مثال
في الماضي وف جايه
عنده الدلال رِسمال
ومغطي على حيه
فيه الجمال سلسال
من أمه على بَيُّه
م الشمس واخدة جلال
ومن القمر ضيه
م الورد عطر وسال
ومن الشجر فَيُّه
مشتاق لخده أبو خال
لو جدبي طال ريُّه
ده الشوق إليه قتال
وظنوني بيعيوا
مرسال وفيه اهوال
وحنين مفيش زيه
ويا ريت تدير البال
دانا قلبي فيه طايه
بقلمي/ خالد جمال ٣/٩/٢٠٢٥
ليست هناك تعليقات:
إرسال تعليق