نؤيد سيادتك لفترة كمان
يمكن نبدل اللحمة بالحمام
وفطارنا تاني يرجع مشلتت يا مان
معجون بزبدة بلدي واخر تمام
نؤيد سيادتك بقسم جديد
تخلي ركبنا دي زي الحديد
وترحمنا من الزيت يوماتي
بتنجان مقلي والفول الحراتي
نؤيد سيادتك. بقلب حديد
عشمنا. فيك ونطلب المزيد
وتلحقنا بسرعة ياعم السعيد
جيوبنا بقت عل الحميد المجيد
نبايع جنابك وكل اللي جابك
بس ياريت تقولي ايه الجديد
فقر واتهرينا وكمان دوقنا المر
وجيبنا بقي مخرم وحالنا لا يسر
نبايع. سعادتك ونبوسك كمان
ونربط البطون ونشد الحزام
بس تقولي أمتي ظروفنا تمام
وناكل حتة شغتة وبلاش الحمام
عارفين هي ليكم واحنا الضيوف
ووشنا منكم ماليه الكسوف
بنطلبها منكم وكلنا خوف
احنا واهالينا وأولادنا كمان
ياناس ارحمونا دا جالنا الجنان
يا اما تطيرونا زي شوية حمام
نشوف عشه تانية وشوية حنان
دي مصر هي أمي ياحبة حيتان
بقلم
احمد محمود
ليست هناك تعليقات:
إرسال تعليق