حين تضيق الروح بما حولها بقلم نشأت البسيوني

حين تضيق الروح بما حولها

بقلم/نشأت البسيوني 

حين تضيق الروح بما حولها وكل ما افتح عيني على يوم جديد الاقي اليوم ماشي على نفس الوجع اللي قبله نفس الثقل اللي ماسك قلبي من غير ما يفلت نفس الاحساس ان الروح بقت حامله حمل اكبر من طاقتها وان الدنيا بتاخد من الانسان اكتر ما بتدي وان كل مره احاول اقنع نفسي اني قادر اكمل الاقي نفسي برجع لورا من غير ما احس كأني ماشي في دايره بتضيق عليا كل يوم 

وبتفكرني اني لسه ما عرفت اضحك ضحكه كامله من غير ما ادفع تمنها بكاء طويل وغيمه فوق صدر لا يعرف السلام وكل ما احاول افتح عيني على يوم جديد الاقيها بتشدني من قلبي وتفكرني اني لسه ما اخدتش نفسي من امبارح ولا شفت ضي من يوم فات وان التعب اللي جوايا بقى ساكن في روحي زي ضيف ماشي من غير ما ينوي يمشي ولا حتى يفكر انه يقوم ويرحل زهقت من الدنيا ومن 

البشر ومن كل حاجه كنت فاكر اني اقدر اتحملها لكن اتضح ان الاحمال اللي الواحد شايلها اكبر من كتافه واوسع من صبره واعمق من الكلام اللي يقدر يقوله او يخبيه واني لما ضحكت يوم لقيت بعدها شهر كامل بيطالبني بتمن الضحكه دي كأن الفرحه عندي ممنوعه وكأن الواحد لو عاش ساعه هدوء لازم يعيش وراها شهر كامل من التعب والليل اللي ما يعرفش يرحم والنهار اللي ما يعرفش 

يحن والناس اللي بتعدي كأنها دخان من غير ما تسيب اثر ولا خير انا مليت من البشر اللي يدخلوا حياتك ويخرجوا منها من غير ما يقولوا كلمه ومن غير ما يفهموا وجع ومن غير ما يحاولوا يشوفوا اللي بيوجعك جواك الناس اللي بتوعد وتكسر وعدها واللي بتيجي يوم وتمشي سنين واللي بتضحك في وشي وهي شايله نيه مختلفه واللي بتسأل من باب العاده مش من باب الاهتمام مليت من كل 

حاجه فيها ملامح البشر اللي اتعودت على الخذلان لحد ما بقي طبيعي زي الهوا ومع كل ده الاقي نفسي ماشي في شوارع شكلها عادي بس جواها صدى كبير من الحكايات اللي عمرها ما اكتملت والاحلام اللي وقفت في النص والقلوب اللي بتداري وجعها علشان تعرف تعيش يوم تاني والوجوه اللي بتضحك وهي من جوا بتصرخ ومحدش سامع ومحدش بيسأل ومحدش بيمد ايده انا ماشي وانا 

شايل جوايا حكايات اتكسرت من قبل ما تتقال واحلام كانت بتلمع واختفت وقلوب اتعلقت في ناس ما استاهلتش واحساس ان كل حاجه حلوه نهايتها وجع وان كل ضحكه نهايتها بكاء وان كل لحظه سلام نهايتها شهر كامل من التعب اللي بياخد من الروح حته ويسيبيها تهوى ولما الليل ييجي يبان كل حاجه الواحد كان بيهرب منها الصبح يبان التعب يبان الصمت يبان ثقل القلب يبان الخوف 

اللي مابيظهرش قدام الناس يبان السؤال اللي ماله اجابه يبان الحقيقه اللي بنخاف نقولها اننا تعبنا تعب حقيقي واننا مش عارفين ازاي لسه واقفين واننا مش عارفين ازاي لسه عندنا حتى لو ذره صغيره من الامل ومع كل ده يفضل جوايا صوت خفيف ضعيف بيقول يمكن بكره احسن يمكن الدنيا تهدى مره يمكن الوجع يرحل يمكن القلب يعرف يرتاح يمكن تلاقي يوم ما تبكيش بعده شهر 

يمكن تبص للسماء وتلاقيها مش تقيله على صدرك يمكن تبتسم من غير خوف ومن غير ما تحسب حساب الضحكه قبل ما تطلع انا حكايتي مش فريده ولا نادره دي حكايه ناس كتير بس اللي يوجع بجد انك تعيشها لوحدك انك تمشي على رجل تعبان وقلب موجوع وروح بتدور على حاجه تسندها ومش لاقياها وتحاول تكمل لان مافيش حل تاني وتحاول تقوم لان مافيش اماكن كتير تقع فيها 

وتحاول تستقوي لان محدش هيشيل معاك الغيمه فوق صدر لا يعرف السلام وكل ما احاول امشي خطوه لقدام الاقي الطريق بيرجعني لورا كأن الارض نفسها بتقول لي مكانك هنا مكانك في النص المتعب ده مكانك في دايرة الوجع اللي بتلف وما بتقفش ومهما حاولت تطلع منها ترجع تاني كأنها حضن قاسي ماسكك ومش سايبك ومش ناوي يسيبك مهما تتوسل ومهما تتجاهل انا 

بقيت احس ان الدنيا بقت سحاب تقيل نازل على صدري مش عايز يتحرك ولا عايز يترفع وحتى لو لمح ضوء صغير يختفي قبل ما اوصل له كأني بدور على حاجه مش موجوده ولا عمرها كانت لي ولا هتكون ومع ذلك مكمل بدور ومكمل اتعلق ومكمل اقول يمكن يمكن بس يمكن دي نفسها بقت تعب انا زهقت من البشر اللي كلامهم بقى خفيف على الودن وتقيل على الروح من البشر اللي 

يبانوا قدامك كأنهم نور ولما يقربوا يطلعوا ظل من البشر اللي يضحكوا معاك ويبعدوا عنك من غير سبب واللي يقربوا لك يوم ويبعدوا شهر واللي يسيبوا جواك اسئله وما يسيبوش اجابات وفي كل لحظه بحاول افهم انا ليه بقيت كده ليه بقيت خايف من الفرح ليه كل ما احس اني ممكن ارتاح شويه قلبي يشدني ورا ليه كل حاجه حلوه بحس انها قصيره زي نفس شخص تعبان مش قادر 

يكمل ليه الضحكه ما بقتش كامله ليه الراحه ما بقتش حقيقيه ليه النوم ما بقى نوم بقى هروب من يوم ما بيجيبش غير الوجع انا بقيت امشي واحس ان قلبي تقيل زي حجر وكل نبضه فيه بتقول لي ان التعب بقى جزء مني مش عارف افصله عني ولا اعالجه ولا اهرب منه بقى ساكن زي غيمه ما بتمطرش ولا بتروح ولا بتخف ولا بتسيب مكانها وكل ما افتكر ان في يوم كنت قادر احلم الاقي 

دلوقتي نفسي بخاف احلم بخاف اتمنى بخاف اتعلق بخاف من كل حاجه بتشبه الامل لاني كل مره قربت من امل اتكسرت وكل مره اتمنيت حاجه اخدت مني حاجات اكتر وكل مره ضحكت دفعت تمنها غالي في الليل بتبان الحكايه كلها من غير ما اجملها ولا اغيرها ولا اهرب منها الليل يكشف القلب زيه زي مرايه بتقول الحقيقه كلها مرايه ما تعرفش تكذب ولا تعرف تخفف ولا تعرف تجمل وتلاقيني 

واقف قدامها باين على وشي كل حاجه كنت بخبيها وباين في عيني كل حزن كنت بخبي صوته وفي وسط ده كله لسه ماشي يمكن بالعاده يمكن بالغصب يمكن علشان لسه جوايا حاجه صغيره بتقول لي ما تستسلمش حاجه صغيره نص صوته مكسور بس لسه بيتنفس حاجه بتقول لي يمكن تلاقي يوم تقدر تقول فيه ان الدنيا هديت يوم تقدر تقول فيه ان الغيمه اتحركت وصدرك اتنفس انا 

حكايتي مش فريده ولا نادره دي حكايه ناس كتير بس اللي يوجع بجد انك تعيشها لوحدك انك تمشي على رجل تعبان وقلب موجوع وروح بتدور على حاجه تسندها ومش لاقياها وتحاول تكمل لان مافيش حل تاني وتحاول تقوم لان مافيش اماكن كتير تقع فيها وتحاول تستقوي لان محدش هيشيل معاك الغيمه فوق صدر لا يعرف السلام وكل ما احاول امشي خطوه لقدام الاقي الطريق 

بيرجعني لورا كأن الارض نفسها بتقول لي مكانك هنا مكانك في النص المتعب ده مكانك في دايرة الوجع اللي بتلف وما بتقفش ومهما حاولت تطلع منها ترجع تاني كأنها حضن قاسي ماسكك ومش سايبك ومش ناوي يسيبك مهما تتوسل ومهما تتجاهل انا بقيت احس ان الدنيا بقت سحاب تقيل نازل على صدري مش عايز يتحرك ولا عايز يترفع وحتى لو لمح ضوء صغير يختفي قبل ما اوصل له كأني بدور على حاجه مش موجوده ولا عمرها كانت لي ولا هتكون ومع ذلك مكمل بدور ومكمل اتعلق ومكمل اقول يمكن يمكن بس يمكن دي نفسها بقت تعب