( باللهجة العامية المصرية )
وزوجتي حتة سكره
وورده بيضه معطره
هاديه بتسمع الكلام
بلا نقاشات متحوره
ونسمه حلوه وطيبه
صوت رقيق وغندره
تشوفها تحسبها ملاك
بين النساء متصوره
كلامها عندي محترم
على جمعنا متصدره
عمر الخصام ما زارنا
ولا النكد و الزمجره
بيوم عدت من العمل
لقيتها شارده مكشره
لسه رح أقول السلام
فتحت إذاعه مكبره
عيب قوى بالسن دا
ترجع لعهد المسخره
وأنا بأستعد للكلام
كفى دفاعات مزوره
عندي دليل لنزوتك
مع غندوره صغيره
على ياقة لحضرتك
مع الألوان وظاهره
أقسمت وبكل يمين
و بكل نفس طاهره
تركتني واقف هناك
وأبكى أمام المندره
بأمس ركبت الباص
ومن الهرم للمعصره
لسوء حظي جلست
بجوار فتاه متحرره
أحاول تبرير موقفي
كل البيبان متسكره
يا من ينصحني هنا
ويرحمنا من مجزره
بقلم
محمد عطاالله عطا ٠ مصر
ليست هناك تعليقات:
إرسال تعليق