إنت كنت فين
عني بعيد غايب
بقالك يومين والتالت
عملي فيها تايب
هو انته ماتعرفش
إنت بالنسبالي ايه
انت بالنسبة ليه
كل الدنيا دي بحالها
ولا قلبي مالوش
في قلبك مكان ونايب
دا أنا ياحبيبي لولاك
ماكنت لدنيا أحب
عشان أنا عارف نفسي
أنا في الحب اكبر خايب
بس بردوا بحبك
وهحبك وعن حبك
عمري ماأنا تايب
وفيك ياحبيبي أدوب
عشان أنا ليك بحب
بلاش عني ياروح قلبي
تاني تغيب
وأظبت ساعتك معايا.
ولاتغيرش المواعيد
إنت غيابك عني
فصلني عن العالم
والدنيا والناس حواليا
طول ما انت بعيد عني
فكري بيك مشغول
وشاغلني عليك
وأمانة عليك وحياتي
عندك لو كان ليا
عندك خاطر
ماتروح تاني لبعيد
وتسيب قلبي لوحده
ومعاك روحي بتخاطر
وفي عذابها بتزيد
هو أنا عشان عملالك
ألف خاطر
بعمري تروح وتخاطر
ياعنيد
ولا مرة تيجي تسأل
عني لو كام يوم عنك
فيها أغيب
بقلم عبد المنعم مرعي
ليست هناك تعليقات:
إرسال تعليق