...................
سنه و سنتين
تغيب عني
لكن من الشوق هتهرب فين
وخدت القلب ليه مني
وسيبت دموعي ع الخدين
وأنا لو قلبي يطاوعني
لأطفي في نار هتتعبني
وما أتحمل بعاده سنين
ليالي كتير أبات أسهر
مع الذكرى مع الأشواق
وأسأل نفسي ليه فاتني
يكونش لا حب يوم ولا داق
بأسم الحب صدقته
وجوا القلب ورسمته
وتاهيت روحي في حلاوته
بدون تفكير
وهلل قلبي من الفرحه
يوم ما قالوللي جيت سارحه
في حضن عريسي بالطرحه
وإمتى يا بكره هتجيني
بأيدي تأخدني لحبيبي
هروح أحضن كده عيونه
وأكحل صورتي في جفونه
ومد أيده لشوق سلم
سبقني قلبي راح سلم
لمست أيديه
لا عارفه ساعيتها كان ماللي
وخوفي ده ليه ملك حالي
ودمع عيوني صحاني
جايب واحده أيديها في أيديه
وفين ده كله وأنا تايهه
وإحساسي ما قاليش ليه
وفين أنا منه
وعيونه لما شافيتني بتهرب ليه
ما داس الورد
داس شوقي
وفاتني فى وهم وحدي أنا فيه
وحاسه الدنيا شيفاني
وعين ورا عين بتتصعب
بتمسح دمعيتي تطبطب تواسيني تقوللي أنسيه
وعيشي الدنيا جيالك
وأياكي ليه تبكي عليه
أمل كداب بان ليلي
ما فيهش نجوم
وليه مكتوب يعيش
قلبي وحيد محروم
بقلم .. صبري رسلان
ليست هناك تعليقات:
إرسال تعليق