،،،،،،،،،،،،،،،،،،،،،،،،،،،،،،،،،،،،
د٠نعمات إبراهيم
،،،،،،،،،،،،،،،،
كلام الناس ظالم وقاسي
بعض ساعات يجرح إحساسي
دقات قلبي تقول بحبه
حبه جزء من أساسي
جيت أحبه قالوا: اوعي
جيت اسيبه قالوا: حاسبي
حبه لسه باين عليكي
مهما رحتي ولا جيتي
ولا حتى كمان دا ريتي
ولا قلت إنك نسيتي
،،،،،،،،،،،،،،،،،،،،،،،،،،،،،،،،
أعمل إيه ده الحب قدري
اهرب منه فين يا ربي
ده مكتوب على جبيني
والمكتوب نصيبي ووعدي
مهما أداري ولا اخبي
اسمه دقه بنبض قلبي
كل نبضه٠٠ كل همسه
كل كلمه عن حبيبي
يعملوها دغري قصه
هو يعني الحب عيبي
ولا يعني الحب عيبي
،،،،،،،،،،،،،،،،،،،،،
طمنوه انا لسه بحبه
بس كلام الناس حيرني
غير صوته غير قلبه
بس عمره ما يغيرني
قالوا الناس طبعه قاسي
بعض ساعات يجرح إحساسي
دقات قلبي تقول بحبه
حبه جزء من أساسي
بس كلام الناس لخبطني قالوا
،، الحب ،،في الزمان ده ملوش مراسي
،،،،،،،،،،،،،،،،،،،،،،،،،،،
شافوا يوم الناس دموعي.
قالوا ليه ما بقاش في حب ؟
كل نبضه بين ضلوعي
كل همسه تقول بحب
بس فين هو الحبيب؟
قولوا أمتي يكون قريب؟
و كلام الناس غريب
و عيون الناس تصيب
و الوساوس تلعب بالعقول
وتبعد أغلى حبيب
،،،،،،،،،،،،،،،،،،،،،،،،
الحب نعمه على الإنسان
لما يشوف من الحب حنان
ويعيش بسلام وأمان
وحبيبه وياه سعيد فرحان
ساعتها أقول ارتاح يا قلبي
خلاص وسيبك من الأحزان
ويا حبيبك هتعيش عمرك
وتقضي معاه أسعد ايام
ولا نخبي ولا نداري
ولا نحسب للناس كلام
كل كلمه ٠٠كل همسه
كل نبضه٠٠ تقول حبيبي
مهما قالوا الناس ياقلبي
نبضك أنت مش بايدي
نبض قلبي مش بايدي
،،،،،،،،،،،،،،،،،،،،،،
د٠نعمات محمد إبراهيم/مصر
ليست هناك تعليقات:
إرسال تعليق