......................
فين لما كُنا صُغيرين
قلوبنا صافية مليانة حنين
بياضها ناصع معجون باللبن
قشطة بيضاء عجين
قبل ماتتملي صفار ونفسنا
وكدب أسود زي البلك طين
فين .....وفين. ......وفين
لما كنا نمشي بالشارع
أنا وأنت سوى جنب بعض
للايادي مشبكين
الله علينا الله وعلى أيامها
اللي كانت فيها الدنيا جميلة
ربك كفينا شر كل عين
كانت الحياة سهلة و بسيطة
من غير تنشنة وفراغة عين
بين أي اتنين حبايب
كان الكل على بعضه بيخاف
حاجة بسم الله ماشاء الله
عليهم تسر العين
كان فيه طيبه وقلوب ناس
تحلف عمرك لو بعد 100 سنه
ماشوفت ولا هاتشوف
زيهم بالعين
فين لما كنا صُغيرين
كان جمال القلوب طاغي
وصافي واخد جمالة
من الطبيعة
اللي كانت ازهار ربيع
باالورد مفروش ياسمين
فين لما كنا صُغيرين
عشنا الحياة على طبعها
وعايشة فينا روح ناسنا
الغلابة الطيبين
اللي عمر مغرتهم الدنيا
بمظهرها الكدابة وألوانها
اللي تخطف أي عين
معروفين طول عمرهم
بالطيبة والمجدعة حنينين
ولاد بلد بجد حافظين
للادب وللاخلاق صاينين
طول عمرهم معروفين
بحفظهم القرآن
وشرع ربنا العظيم والدين
فين لما كنا صُغيرين
كُنا بنحب بعض قوي والحب
اللي مابينا كان صادق ومتين
عشان عارفك وعارفني
جنب بعض إخوات ساكنين
هنا من سنين
كنت اشوفك وتشوفني
قلوبنا على بعضها تسلم
قبل مابنسلم بالايدين
فين وفين لما كُنا صُغيرين
بقلم عبد المنعم مرعي
ليست هناك تعليقات:
إرسال تعليق