بتئِن الروح قلبي بينزف
وانت على النوح قلبك يعزف
الريح ف هواك اعصار ينسف
وبتيجي مع الريح وبتعصف
العين م الدمع سيول تذرف
بتقول لو دمع صحيح احلف
وخلاص فاض بيا تعبت معاك
اديتلك عمري يا ريت قضّى
وهديتلك روحي كما الوردة
كت ايدي إليك دايماً مادَّه
ووقفت معاك وقت الشدة
أعملك ايه علشان ترضى
علشان قلبك يرسى ويهدى
العمر معاك مر وعدى
ولا شفت أنا حب ولا مودة
كت روحي يوماتي بتترجاك
اديتلك شوق ويا ريت كفّى
كان كفة الكون وانت ف كفة
صنتك ولا قلبك يوم وفَّى
كت كل حياتي عليك واقفة
بس خلاص بيك مالت الدفَّة
وغرامي معاك بقى ع الحافة
والقلب من الجرح استكفى
وشربت الأسى والويل وياك
ياما عشت سنين فيا بتوجع
يا ما قلبي نداك قالك ترجع
عن درب غواك للشوق تخضع
تخلص ف هواك وبلاش تخدع
كان أمله في يوم انك تسمع
بس انت شطانك لِيه بتصدع
الصبر معادشي معاك ينفع
ولا شوق ف هواك ليا بيشفع
وخلاص هبعد عنك وأنساك
عذبني هواك
بقلمي/ خالد جمال ٢٧/١٢/٢٠٢٥
ليست هناك تعليقات:
إرسال تعليق