أكلمها يا خلق ازاي
وقلبي عليها يتعرف
ولو ردت وقالت هاي
ساعتها ازاي هيتصرف
بخاف أوصفله فيا الحال
يقول مجنون وبيخرف
واخاف ابعتله يوم مرسال
لا نص كلامي يتحرف
بداري ف قلبي شوق قتال
وأملي يحن يتعطف
عشان لو عشقي مش ع البال
يميل عني ويطرف
واقول ابعد واعيش رحال
بحن ف لحظة لِيه واضعف
ده لو حبي ف نظره خيال
محال انساه ومش هعرف
دانا هفضل إليه ميال
وطير ف سماها بيرفرف
كفاية عليا احس هواه
واعيش وياه حياة الطف
بقلمي/ خالد جمال ١٦/١٢/٢٠٢٥
ليست هناك تعليقات:
إرسال تعليق