...................
استدعوا الفرح
أصل بإقالة زمان عننا غايب
واعملوا له استجواب
يكون من غير حساب
قولوا له تعالى عندنا ياخايب
هو احنا ملناش فيك نائب
واسالوة
قولو له أنت ليه على طول
عننا غايب
بنقعد نستناك كتير وانت ياعم
سايق في دلالك ولينا سائب
بتغيب كتير قوي ونسأل
لينا يقولوا مشي وهرب
أنا ليه معاك عتاب
رسمي
كتبت وسجلت هنا بااسمي
جواب بملامح رسمي
أنته ليه يافرح سيبنا زي الاغراب
لا بتيجي ولا حتي تطل
ولابتصبح ببسمة ولا بتقول نهاركم فل
طب والله حرام
إنك متعملش حسابنا
ولا تشيل لينا عندك خاطر للكل
تعالى ياعم تعالى أنته ليه علينا
بتتعالي
دا انت صحيح غيابك ماسخ
وخصامك يعل
ماتسأل علينا لو من ورا قلبك اسأل
او حتي طل
يمكن لما تيجي بنفسك هتعرف
إن حالنا معدش يفرح ولايسر
ووتعاله بنفسك شرف وهو كمان
تتعرف عن إيه هي الأسباب
اللي ياعم الفرح بسببها بُعادك عننا زاد
أنا عارفك بتقول في سيرك ما تفرحوش
ولا عنكم فرحتوا لا والنبي حوش
الا يعني الفرح عندنا فائض وبزيادة
ياخيبتي القوية هو انتوا مدرتوش
اه منك ياخلبوص وكداب
ليه هو انت ماشوفتنيش وأنا بضحك
على نفسي يجي من كام عام
وبداري همي ف بسمة مسروقة
من جوة روحي وبقول بعلو الصوت
الحمدلله يسترني بمشوار
دنيتي ماانت داري بحالنا وكاشف بنفسك
مصيرنا شايفة بعينك ومن وراء كل باب
هو انته في شيء بيخفى عنك
أنا عارف رغم همك
بتيجي تمسي علينا بكام نسمه مبتسمة
سرقناها ومن خلف جدران الزمن
حستها انته في عنينا لحظة دمع جوها اتعجن
يافرح يالي بقالك زمان غايب
أنته علينا لاتؤتمن
بقلم عبد المنعم مرعي
ليست هناك تعليقات:
إرسال تعليق