يا حلوة ف مواصفك وصعب ألقى وصفك
بحبك ف عطفك ف لينك وعصفك
ف بأسك وضعفك جنونك وحصفك
وبعشق شفايفك
بطعم الفانيليا
بتنده عليا تعا اطلب ايديا
هجيلك يا غالية يا كل اللي ليا
وهطلب ايديكي
فِ وسط الفاميليا
يا ساكنة الجوانح ومالكة الجوارح
يا وردي اللي طارح فِ كل المطارح
يا شجرة موالح
لمونك أضاليا
ده شعرك وسارح ورمشك وجارح
يا فرحي اللي جايح وحزني اللي رايح
يا عطري اللي فايح بأحلى الروايح
بعنبر وعود
وعطر الكاسيليا
يا روعة ويا هايلة يا عيني اللي مايلة
وروحي اللي شايلة غرامك وصاينة
وصايلة وجايلة يا عبلة ويا ليلى
يا غادة الكاميليا
بقلمي/ خالد جمال ٢٣/١٢/٢٠٢٥
ليست هناك تعليقات:
إرسال تعليق