بقلم: نوره محمد حسن
(شيطانة الشعر)
اللي بيسأل .. مبقاش يسأل
واللي بيشتاق راح ولا جاش
قالوا ياما .. انتو نور عنينا
وأما احتجنا .. ما لقينا وِشاش
باعوا الود .. بأرخص تمن
بكونا على عمر .. ضاع ببلاش
ياما رسمولنا المحبة جنة
صنية بسبوسة ويا جلاش
ورد جوري .. دلع في دلع
واللى مجربش كأنه ما عاش
وطمعت انا في القُرب وسحره
أتاريها خيّة .. ولا تسواش
كابوس مخيف آااه يااا لطيف
قلوبهم سُودا .. مانسُكنهاش
دهان براني .. تقولش ملوك ؟
خشب مخوخ .. ميسندناش
رجولة فيهم طلعت Fake
عيشتهم كدب متشرفناش
قَفلت بابهم .. بـميت قِفل
عِشرة رخيصة .. مِـتلزمناش!
ليست هناك تعليقات:
إرسال تعليق