بحبك يامصر وحبك جنان
وحبك شغلني وده من زمان
بحبك عظيمة وكلك حنان
بحبك فتية وحضنك أمان
بحبك عزيزة وجيشك ضمان
عزة وكرامة وأمن وأمان
بحبك بعقلي وقلبي كمان
بحبك بهية وفضلك جنان
كرمك غلبني وفضلك بيان
بحب سماك وبحرك وأرضك كمان
زهورك محبة ونسيمك روان
كلك فضائل وده من زمان
شجرك مهفهف وكلك ريحان
ياغالية ياحلوة يا أم الحسان
روحك في دمي وحتى البنان
طلبك أوامر وعرشك مصان
بحبك يا روحي وكلك أمان
طيورك تغرد وشعبك مصان
دكتور عبدالعظيم علي عفيفي الهابط مصر أم الدنيا كلها.
ليست هناك تعليقات:
إرسال تعليق