.............................
ارتباطي باأمي
كان ارتباط وثيق
مش مجرد حبل سري وخيط
اتقطع ساعة الولادة بعياط وسويط
أمي كانت زي نسمة تسعد كل نبتت
زرع في كل زلعة سطح وغيط
أمي لما كانت تضحك لعندها شمس النهار
تيجي تهتز شقه علينا شبابيك الحيط
لجل توصل لنا علينا تصبح و تطل
في عز الشتاء والبرد
تدفي بضحكتها جدار كل بيت
عبيرها يعطر زي المطر ورد ينقي الروح
وتقف برقة قلبها الطيب تصد عني البرق
تحميني من أي لفحة ريح
تحاول تقرب مني اوتخليني
لفراش المرض طريح
في الليل كانت سكن قلبي عليها اتركن
كانت تقولي ديما أنت أبني حبيبي
ابن أمك صحيح طول عمرك فصيح
زي ديك البرابر اللي فوق السطح
كبر وهو طول الوقت عمال يصيح
نفسي تكبر بسرعة وأملي عيني منك
وأشوفك أحسن واحد في الدنيا
روح يابني ربي يسعدك
ويوقفلك ولاد الحلال في كل مكان
ويجعلك طريقك سالك كله أمان
ويكفيك يابني شر الناس والزمان
وتكون في عين عدوينك عود ريحان
وتعلا وتعلا لأعلى المناصب
أمي الروح الحلوة الخفيفة اللي ياما شافت
كتير أحزان من أيام ماضينا اللي كان
ملحقتش تفرح ولاتشوف فرح
زي مايكون مش مكتوب لها تحصد
في يوم من عمرها ثمرة خيرها والطرح
كانت مستعجلة بتلم في حالها وعينها
يتغزل في ضيها النور
طب ليه يا غاليه مستعجلة تعدي بحور
وتكسري قلبي البنور
اللي ماصدق يشوف بعينك ضي
كان لسه بدري على فرقنا اللي فتح
في القلب ألف جرح وجرح
ولا أنت قبل ماتمشي كان نفسك
تشوفيني في يوم موجوع
بصراحه أنا من الوجع
قلبي الضعيف من الحقيقة المرة
اللي مفيش أبدا فيها كدب بات مفجوع
حقيقه صادمة مابعدهاش رجوع
بقلم عبد المنعم مرعي
ليست هناك تعليقات:
إرسال تعليق