يا اسكندرية يا حتة من قلبي
يا ريحة اليود اللي بتسكن في هدومي
يا موج عالي بيحضن الرصيف
وينام على كتافه هموم
بشوارعك بحب أمشي بالليل
والبحر بيغني وأنا بسمع
الكورنيش شاهد على حكاياتي
والقهوة سادة... والدماغ بتجمع
يا ترام الصفرا ماشية براحة
شايلة العشق في كل محطة
من محطة الرمل لبحري
ومن بحري لقلب الحكاية
اسكندرية يا بنت الأصول
عمرك ما خذلتي العاشقين
حضنك دافي حتى في الشتا
وصوتك بيطبطب على الحزين
لو الدنيا ضاقت بيا شوية
باجي أقعد على سور البحر
وأقول للموج: خد مني شوية
واديني مكانها سكينة وصبر
اسكندرية يا عشق
انتي مش مدينة... انتي حكاية
انتي اللي بتعلمينا
ازاي نحب... وازاي نصبر ع الموجة
محمد السيد حبيب
٦/٨/٢٠٢٦
ليست هناك تعليقات:
إرسال تعليق