الأصل مش فلوس ولا منصب
الأصل موقف وقت الشدة
اللي يصون العِشرة دهب
واللي يبيعك برخص
كلمتك هي عقدك
لو نطقت صدق ارتاح ضميرك
ولو كذبت هتعيش عمرك كله بتهرب من نفسك
الرزق مش شطارة
الرزق ستر وصحة وبال رايق
الحرام بيكبر بسرعه وبيموت أسرع
والحلال بطيء
صاحب اللي يشيلك لو وقعت
مش اللي يتصور معاك وانت واقف
القريب اللي يسأل أغلى من 100 بيبارك من بعيد
والغريب الجدع أحن من القريب الخاين
الوجع بيعلّم
الخيانة بتقويك
الغدر بيخليك تشوف
والسِكوت أحياناً بيبقى أبلغ من ألف رد
القوي مش اللي يكسر
القوي اللي يجبر
مش اللي يصرخ
القوي اللي يسكت ويكمل
الدنيا دوّارة
زي ما بتعمل هتلاقي
زي ما بتدي هتتردلك
فـ ازرع نضيف عشان تحصد نضيف
عيش راجل موت راجل
خليك خفيف على الناس تقيل في الميزان
سيب أثر مش ضجة
وسيب سيرة مش فضيحة.. بقلمي اشرف محمد ضمراني
ليست هناك تعليقات:
إرسال تعليق