انت ملكت لقلبي زعامة
انت سند للروح ودعامة
انت غرامك كله طعامة
انت حنانك ياما وياما
قلبك زي فِراش ووثير
مضجع عشق لروحي حرير
نبضه وسادة بريش لنعامة
انت ف أمر الحب خبير
فوق على عرش العشق أمير
ليك ع الروح أكبر تأثير
حسنك سر مالوش تفسير
كل المنى لو يعطف قلبك
لو باح بالأسرار وانا جمبك
قول ماتخافشي السر ف بير
قوللي ملكت القلب ازاي
خليت عمري معاك موال
غنيت فيه على رق وناي
بعد ما شفت انا فيه اهوال
حبك خدني معاه على الجنة
قاللي اعيش واحلم واتمنى
بدل يأسي لأحلى آمال
عمري ما هنسى يا روحي جِمِيلك
دانا فوق راسي العمر هشيلك
هبقى الشمس بضي تجيلك
هبقى البدر بيضوي ف ليلك
مانا وياك حسيت بأمان
بعد ما عشت سنين حرمان
ورويت جدب الشوق من سيلك
كتر خيرك
بقلمي/ خالد جمال ١/٨/٢٠٢٦
ليست هناك تعليقات:
إرسال تعليق