انا بحلم بلمس ايديك
وشفت الجنه من حواليك
ونجم الليل سألته. عليك
جاوبنى وقال لى ماعرفهوش
زادت حيرتى وشوقى اليك
شغلت البال بايه. يرضيك
ونمت يمكن. احلم. بيك
لقيت ف الحلم شئ تانى .. مصدقتوش
لقيتك سيبت أحضانى
وجاى تقول لى انسانى
انا لغيرك انا. مش. ليك
وقلت كلام .. لكن ياخساره مافهمتوش
سألتك قول لى مين أساك
ومين يقدر. ف. يوم ينساك
ودمك جارى ف وريدى
وعيدك هوه يوم عيدى
بضحكه سبقها تنهيدى
وكان لازم اقوم م النوم
عشان حلمى مكملهوش
سيد الحلوانى
ليست هناك تعليقات:
إرسال تعليق