والله العظيم يا إخوان
العدو معروف من زمان
عم يفرقنا بشطارة
ونخضع لحكم العدوان
وأصحاب النفوس القذارة
رضيوا بحكم الطغيان
والتطبيع صاير عبارة
وطاغي عكل البلدان
وجنوبي ضاع خسارة
بعد غزة والجولان
وما بقي ولا عمارة
بغزة وسوريا ولبنان
وضاعوا زغارا وكبارا
كلوا من قصف الطيران
وما فيه ولا غارة
هزت شعرة من العربان
وشباب مقطوعة خبارا
وقرى ما فيها سكان
وأطفال وارامل وعذارى
العالم عنهن سكران
والضفة عم تولع نارا
ورح تغرق بالطوفان
والعرب سِكْرْ ودعارة
وللعالم ما فيه إحسان
والدين عندهن تجارة
وكلو كذب وبهتان
ولا بيهتموا بإدارة
وللذل صاروا العنوان
حكام بسعر برارة
بقلمي إسحاق قشاقش
برارة =غير صالحة
ليست هناك تعليقات:
إرسال تعليق