شوف قلبك ياما ظَلمني
وبرغم كده مسامحاك
كان نفسي تكدب ظني
وتقول لي إن أنا بهواك
ليه دايما تبعد عني
وأنا أملي أكون وياك
ده أنت تملى بتوحشني
وإنت قصادي وشايفاك
وبحس بنار ف ضلوعي
من خوفي وغيرتي عليك
لو تمسح مره دموعي
قلبي ح يكون ف إيديك
دنا كل صلاه وخشوعي
بادعي ربنا يهديك
وبشوف طير ف سمايا
والحيره ف عيني عليك
لو تعرف وإنت معايا
قلبي بيحس بإيه
الحب بيفتح. بابه
وبلهفة بيجري عليه
ماهو إنت أعز أحبابه
مش طالب غير حضنك لِيه
بُخلك طب إيه أسبابه
وعلاجه فين ألاقيه
ما تحن شويه عليا
إحنا عملنالك إيه؟؟
سيد الحلواني
ليست هناك تعليقات:
إرسال تعليق