قلبي معاك محتاج لحراسة
أصل عنيك يا حبيبي قناصة
نظرة عينه سهام وسيوف
نني بيحرق بالمولوتوف
رمش صايبني بألف رصاصة
خدها جاني قاتلني الورد
قد غلبني وجابني الأرض
سحر هاجمني معاه بجيوش
مين عن قلبي يا واد هيحوش
دانا محتاجلي معاك بودي جارد
دقة كعبه دي بتروعني
بتئيد ناري وبتلوعني
لما اسمع خطوته بتشد
دقات قلبي تعدي الحد
والقى الشوق نصل مقطعني
لو همستلي انا روحي بتروح
وإن لمستني ف ثانية بروح
لمسة تحاجي عليك وتذود
همسة تناجي حبيب موعود
كروان غنى ف وسط الدوح
لو قاد جوه القلب حريقة
لو يرهبني في كل دقيقة
بلقى معاه الرهبة أمان
والنار برد إن كت بركان
أصل نيرانه لقلبي صديقة
بقلمي/ خاالد جماال ٩/٩/٢٠٢٦
ليست هناك تعليقات:
إرسال تعليق