ناسي الموضوع و طالع بطلوع
و أنا النزّال
وطني الموجوع و راسي مرفوع
و دمي مرسال
قمر ببستان اشتاق الأوطان
شاف العنوان بزند الفرسان
ونزف الأحوال
موعد ممنوع..و عطرك بضوع
ضوّي الشموع من الضلوع
لأقطع أميال !
شو هالتسبيل بعد الترتيل
بدك تأهيل بعد التقبيل
و أنا الميّال
حزن الدروب نادى الحبيب
و الله المجيب..مهما نغيب
منرجع أجيال
ناسي الكلام فوق الغمام
جرحي إمام بين الركام
غزة في البال
نسر و سؤال فوق الجبال
رسموا هلال صنعوا المحال
بعد النزيف ما في حليف
أنت الصعود..أنت الوقوف
ضد الخريف و الاحتلال
ماتت ورود بكرا تعود
كتب النشيد دم الشهيد
رص الصفوف شدَ الرحال
سليمان نزال
ليست هناك تعليقات:
إرسال تعليق