(متتعشمش؟؟؟؟!)
هاتتعشم في مين.
ياحزين......
ما الكل طلع أوسخ
من سخام البرك
و البين.
هاتتعشم في مين
ياحزين....
ومين يستاهل ليك
يتعاتب
يامسكين.....
وكأنك في الدنيا
عشتها أهبل وعبيط
ومعملتش حساب
ملاعين....
بياكلو لحم كتافك
ومن خيرك.
وفي لحظه ليك
ناكريين.....
ملعون أبوكي.
ياغربة وملعون
أبو ال كان سببك
وملعون ال خد بإيديك
وملعون شحطتي
في بلاد مش بلدي.
ولا أهل مش أهلي
ولا دا كان مكاني
ولا دا كان حلمي.
لا قادر أكون ضدك
ولا قادر يكون
لي قرار
وكأني وأنا بأتعجب.
ومصاب بمليون
دهشه ومستغرب.
مين هما ال كنت
معاهم ومين هما
ال ضدي ومين
ال مش ضدي.
ومين حاطت إيدي
فإيده ومشبكها
وإستحاله إيده
يفلتها وكاتب عهد
على نفسه
ميكونش من ناس
خاينين......
معقول كنت أعمى.
معقول بقيت مش
راجل وأنا تافه.
وأنا كنبه في صالون
بيت معقول وأنا
مش عارف عايش
في الحال دا
بقى لي
سنين......
لا أنا متشاف.
وديما صورتي
متعانه ومتهانه
ومرميه على
رف مهين.....
ولا أنا عشان طيب
كان عشمي بزياده.
ولا أنتم ال جايين
من برجكم العالي
وملايكه وأنا بس
ال مخلوق من
طين.......
هاتتعشم في مين
ياحزين......
صوابع إيدي عضتها
ميتين مرة ومين
غيظي نسيت
إني أربطها من
نزيف الدم
وأضمدها وأدويها
ماهو شيء لاتتوقعه
ولا يدخل دماغ
حد معقول دنيتك
في لحظة بتتغير
وتتحول وتنصب لك
في الطريق من كمين
لكمين....
طب....
وشي ال كان وشي
وشكلي ال كان شكلي
وشبهي ال كان شبهي
ولوني ال كاني لوني
وصورتي ال كانت
صورتي ...
ورسمي ال مش
رسمي....
مش هوه وكأني واحد
تاني لاأنا عارفه
ولا يعرفني.
معقول أنا
(خيرى )
ال كان بيضحك
وبينكت وله ضحكه
بتصهلل وبيقهقه
وبتصحي
الناس من نومها
في عز البرد
عشان يلوموني
وجيراني للكلام
شاهدين.....
معقول تجي يادنيا
علي وتكوني قاسية
عشان ماشي بما
يرضي الله
عشان سايبها على
الله عشان بقول
ال جاي أحلى
ما أنا تعبت وهايكون
عوضي من الله خير
وهايتبدل الحال إلى
حال معقول عشان
متنازل وبقول مش
فارقه وأهي دنيا
ومسيرها تزول
معقول عشان متسامح
ومتهاون فنتجبر ونتكبر
ونغتر ويصبنا غرور
على ال أخد العهد
على نفسه
إن يكون أمين
ومستأمن على بيته
وعرضه ويدوس على
الكل عشان إيد
مستهم وفي ليله
باتوا خايفين.
هاتتعشم في مين
ياحزين......
4/9/2026
بقلمي أنا
شاعر العاميه$$$$#
(خيرى حسنى)
ليست هناك تعليقات:
إرسال تعليق