............ ....... ..
جف حبر التمني
وما جفش الشوق
نشف القلم
وما نشفتش الروح
جف حبر التمني
ولسه قلبي بيكتب
بيكتبك
وانتي مش هنا
كتبتُكِ حلم
وكتبتُكِ وجع
وكتبتُكِ وعد
ما وفاش
كتبتُكِ في أول السطر
وآخر السطر
وفي نص القلب
لحد ما القلم قال
كفاية
تعبت
قلت له اكتب
قال بماذا
ما الحبر خلص
قلت له اكتب بدمعي
جف حبر التمني
وبقي دمعي هو الحبر
جف حبر التمني
ولسه عيني
كل ما تغمض
تكتبك
جف حبر التمني
وانتي لسه ساكنة
جوه جوه القلب
ساكنة ومربعة
ولا على بالك
انا بقيت ورقة بيضاء
مرمية
على رف النسيان
مستنية
قدر يعدي
يرجع يكتبني
من جديد
جف حبر التمني
بس القصة
ما خلصتش
جف حبر التمني
وبقيت انا
حكاية
من غير نهاية
جف حبر التمني
وبقي الوجع
حبره ما بيخلصش
جف حبر التمني.... بقلمي اشرف محمد ضمراني
ليست هناك تعليقات:
إرسال تعليق