شئ يشرفنا....45
شئ يشرفنا لما نحس بنجاحنا والفرحة ماليه قلوبنا
وترتاح ضمايرنا والكل يبارك ويهني وسعيد بوجودنا
والفرحة ماليه قلبه ويراعينا ويساعدنا ويفتح لينا ابواب السعاده اللي تناسبنا
ويكون لينا كلمه وماحدش يعارضنا ونعرف نعيش حياتنا
ونبعد عن كل شئ يجرحنا ويكون دافع لنهيارنا وتحطيم أحلامنا
بس نستغل عقولنا وكل شئ بالأصول من غير ما شخص بالكلام يوجعنا
ونختار اللي يناسبنا ويكون من مقامنا عشان نعرف نمارس نشاطنا
ومانحرمش نفسنا من الفرحه وربنا يكون راضي عنا
مش نغلط ونقول نصيبنا وقدرنا دا ف عقل ربنا عليه هايسألنا
وخطوه خطوه هاترتاح اعصابنا ونحس بنجاحنا ومافيش ظروف ولا مشاكل تتعبنا
وكله يرجع لذكأنا واحنا اللي بنحدد طريقنا وع قد نيتنا ربنا بيرزقنا ويسعد أيامنا
تكون روحنا حلوه ونسامح لو شخص ظلمنا وحاول بكلامه يزعجنا
نكون واثقين ف شخصيتنا ونقدر نعالج امورنا من غير ما نعلي صوتنا والكل يعرف أسرارنا
البدايه من عندنا ياخوانا ونقدر نواجه الدنيا ونحقق ولو جزء من أحلامنا
والسعادة تملى قلوبنا من غير مانظلم ولا نخلي الشيطان يعرف منين سكتنا
وكل شئ بالصبر وربنا هاينصرنا وهانفضل دايما قد المسؤولية وماحدش ف الدنيا يقدر يكسرنا
او بذلنا أو حتى يستولي ع اماكناوكل شئ بالحسنى وربنا هايوفقنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا..
الشاعر طاهر مختار عتيت
شاعر العصر....تحيا مصر
طنطا... كفر الزيات...اكوه الحصه
ليست هناك تعليقات:
إرسال تعليق