ملتقى الأحبة 41
ملتقى الأحبة بعد سنين حب وعشره
وعذاب غربه كان واقف بيطاردنا ودنيا وظروف قاسيه
نرجع وقلوبنا مليانه بالفرحه إذا كان اب وام واخ وزوجه صالحه
وأصحاب داخله وطلعه وقلوبنا مليانه بالسعادة والبهجه
ومافيش غير الكلمه الحلوه وراحة البال والاحساس بالضحكه الصافيه
يسألونا نفضل نحكي واوم وبسرعه تنزل دمعه وراها دمعه
وتفتكر ايام الغربه والعزلة ومن شارع لسكه وحقيقة مره
ولما رجعنا حاسينا بالدوشه والزحمه ماهي ساعات بتوحشنا
لما نعيش طول عمرنا ف عزله ومشاقه لكن ربنا ريح قلوبنا وحاسينا بفرحتنا
نطلع وقلوبنا مليانه بالسعادة والفرحة ونحس بوجودنا ونجاحنا
ونعشق تراب بلدنا ونعيش حياتنا ونحاول ننسى ونفكر ف مستقبلنا
ونسعى من تاني ندور ع عمل يناسبنا ونكون جنب ولادنا
والناس اللي بيحبونا وعاشوا سنين وسنين ف انتظارنا
لكن الحمدالله رجعنا والفرحة ماليه قلوبنا والكل عمال يجالسنا
نضحك ونفرح ونعيش معاهم بقيت أيامنا ونأدي واجبنا
لا مال حرام دخل جيوبنا ولا خونا وغدرنا بأهلينا وصحابنا
كنا ماشين بما يرضي الله وربنا ف النهايه نصرنا ورجعنا عشان نأدي رسالتنا
وسط أهالينا والناس اللي تعرفنا ونفضل كده ونحس بوجودنا
اه من قسوة الغربه وفرحة الرجوع للأحبه والإستقرار اللي عليه اتعاهدنا
يارب ديمها علينا نعمه وماتحرمناش من ناس كانت ف يوم تعزنا وتتمنى تشوفنا
بعد ماعشنا صراع مع الدنيا وسنين فراق وعزله كانت بتوجعنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا..
الشاعر طاهر مختار عتيت
شاعر العصر.....تحيا مصر
كفر الزيات..اكوه الحصه
ليست هناك تعليقات:
إرسال تعليق