والله شاعر فى المشاعر
بقول أشعار
انا موهوب بس يادوب
مشغول عن شعرى
بكام مشوار
أنا كاتب انا أديب عشت أيام
أنا وحلمى أنا ودمعى
نعيش تعذيب
بالوم فى سعات على نفسي
وتشكيلي كمان نفسى
من التأنيب
انا الأقدار بتلعبى وتعب قلبى
من التقليب
ابياتي الشعر بكتبها وأنا محتار
أبيات الفرحة بتنقصها
فى ليل غربه بكتبها
في سواد دامس بدون أقمار
تجينى الصدمة من ولها
بدون إنذار
يتوه الحبر على ورقى
من ألمى أبيات بكتبها
بماء عرقي كماالبحار
أنا شاعر
ومن شاعر بأبياتي ولو غنيت
سيكا وبياتي مافيش سميعه
ولا قارئ من الزوار
أنا محتار اشيل الشعر من راسي
وابيع كراسي ولو بدينار
طب أعمل إيه في إحساسي
أعيش أعمى
ماهو إحساسي هو الازمة
وصوت تعبيري بدون قافية
بدون سجع بدون لازمة
مالوش لازمة
وأنا ماعرفش أعيش جامد
بدون إحساس بدون تعبير
هي القصة في التقدير
سيدحجازي
ليست هناك تعليقات:
إرسال تعليق