احساس....53
احساس بيقتلنا لما نحس بعجزنا وفشالنا بعد ماخلاص هاتحقق أحلامنا.
لكن نسينا حاجه مهمه اننا خالفنا السكه ومشينا ورا غرايزنا وخالفنا ضمايرنا
ولما شبعنا عايزين نرضي اللي خلقنا لكن بعد ايه والموت واقف ع بابنا
والعمر خلاص عدى وعشان نرجع الكل عرف حقيقتنا اخوات وأصحاب وأحبه واتشوهة سمعتنا
كنا بنخبي عيوبنا وقدامهم عارفين اننا أصحاب فضيله ومحافظين ع صلاتنا
لكن مدارين عيوبنا وعايشين الرغبه والمتعه والشيطان مسيطر ع عقولنا
ف الشارع ست تعجبنا وتلفت نظرنا وع الفيس صور تخلينا نخرج عن شعورنا
وننسى ف لحظه أن ربنا مطلع علينا وشايفنا وفجاه رد فعلنا بيبان ف ملامحنا
نقول كلام ونعيش قصه والعقل غايب وحاسين احساس غريب بيلفت نظرنا
ونغوص ف بحور الشيطان مع الرغم السبحه ف ايدنا وربنا مطلع ع أعمالنا
ولما نرجع بتكون صدمه ومفاجأة للناس تحبنا وتراعي مشاعرنا ف وجودنا وغيابنا
حتى الأهل والصحاب بالنسبالهم بتكون كارثه ونعيش ف عزله والدمع ملئ عيونا
احساس بالعجز وزنب كبير ومش عارفين نداوي اوجعنا
بعد ما الكل خد فكره طيبه عنا لكن تعمل ايه ف شيطان عايز عن ربنا يبعدنا
وبعض الحريم اللي بتحاول بكل الطرق تخالينا نخرج عن شعورنا
بصور جذابه ولبس خليع يخالينا نتوه ف وسط الزحمه وف النهاية بندفع التمن ونخسر زوجتنا
اللي عاشوا معانا ع الحلوه والمره واتحملوا ظلم البشريه عشان يراعونا ويحافظوا ع أسرارنا
يارب تهدينا وتنور بالايمان قلوبنا واجعل الخير طريقنا ونجينا وسامحنا
واحفظ بيوتنا وولادنا وخلي الحب شرف وأمانه ف الاخره تخدمنا.
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا..
الشاعر طاهر مختار عتيت
شاعر العصر ...تحيا مصر
طنطا ... كفر الزيات....اكوه الحصه
ليست هناك تعليقات:
إرسال تعليق