ملخص حياتنا..60
ملخص حياتنا سرقه ونهب ورغبه ومتعه ولذه وفلسفة فارغه
وظلم كل شويه ومحاكم وقضايا وشهادة زور وسؤ معامله
ندور ع الحرام عشان نوصل لهدفنا والصراحه تزعلنا والحب والغرام أصبح بالجمله
حتى ع حساب العشره والأيام الحلوه اللي بتجمعنا وأصبحنا ف زمن الحريم ونفوسنا راضيه
وبسهوله نستغنى عن كرامتنا عشان نربي ولادنا ونعيش حياتنا ازاي مش فارقه
مع الرغم عارفين نتيجة أخطأنا والموت اللي ف انتظارنا واليوم اللي ربنا فيه هايجمعنا والكل ف مولد وغفله
ولو شخص نصحنا وعايز يخدمنا نرد ونقول زينا زي غيرنا وحريه شخصيه.
مع الرغم العمر اللي عدى لكن الكره ملي قلوبنا ولو شخص جرحنا بسرعه ننهي كل شئ بكلمه
دا غير المصلحه العامه و. الشخصيه نبين حبنا له واحترامنا عشان هايخدمنا
ولو قصر يبقى كرهنا ومش عايز ينفعنا دا غير تسرعنا واندفعنا والغيره اللي ماليه قلوبنا
ومش راضين بنصبنا وبنخالف ضمايرنا ع حساب مين مش موضوعنا
حلال حرام مش فارقه بالنسبالنا المهم نوصل لهدفنا ونحقق أحلامنا
ونهاجر ونترك بيوتنا ع امل نسعد أولادنا ولما نرجع نلاقي اعز الناس تخونا ومش مقدره شقانا ولا تعبنا
وكله بسبب الفلوس لكن نسينا حاجه مهمه إن الرزق بيد الله حتى لو روحنا اخر الدنيا برضوا هايكون من نصيبنا
يارب اهديناواصلح حالنا ونور بالايمان قلوبنا وحافظ علينا وصونا
واجعل الخير دايما من نصبنا وبارك ف أزواجنا وزوجتنا ونور عقولنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا...
الشاعر طاهر مختار عتيت
شاعر العصر...تحيا مصر
طنطا.... كفر الزيات....اكوه الحصه
ليست هناك تعليقات:
إرسال تعليق