حب ‏ودموع ‏بقلم ‏صبري ‏رسلان ‏

حب و دموع (302)

................

مظلوم يا قلبي في ضحكتك وهتبكي تاني 

إختارته  وهو  دنيتك 

بان ليه أناني  ..

داس ورد عمر إرتوى 

من شوق ليالي  ..

وهجر لي حضني وإنشغل بحب تاني

قيداله أيدي شموع وحنان وشهد  بحور

هجرني كلي كسور

ولا حن  ليا ..

بحلم ليالي  ببير 

جواه حبيبي أسير 

مديت له أيدي أشيل

عليته سابني حزين

سجن لي دمعي لا  أطير

وبقيت ضحيه ..

غدرني بعد أمان 

وتركني للحرمان 

رجع لي قال ندمان 

حقك  عليا ..

ده  لا خلا  فيا حنان  

وإزاي  أأمنه  وخان 

وأسقيه بشهدي كمان

ده كتير عليا ..

إخترت  أرسى  لبر 

وهشيل جروحي وأجر

وأبعد بعيد مضطر 

وأنسى إنه ليا ..

وأرجع  بقلبي  وحر

على دنيا  تانيه ..

بقلم .. صبري رسلان