(قصيدة)
______(حتى باريس)
************
ليه مش لاقى ف روسيا ولندن.
أو حتى. باريس؟؟
رحاله مقهورة من الستات.
أصل الستات منهم بيغيظ!!
لا بشوف تلكيك فيهم للخلع.
أو حتى عقول مقفوله بمتاريس!!
أو زوجة بتنكد دايمأ على جوزها.
على طول مسكاله التبويز!!
أما ف الشرق ياعينى ع الراجل.
زلينه علشان بيفكر ف البهاريز!!
بيطلعوا فيه القطط الفاطصه.
كدب ف كدب على تدليس!!
..ليه مش لاقى ف روسيا ولندن..
.. أو حتى باريس؟؟؟
كدب وغدر وقلة قيمة.
أو كلمة بتخرج دبابيس؟؟
من غلبانه وهي لأيمه ،
بتجرح جوانا الأحاسيس؟!
تبقى عايشه ف خيره غرقانه.
ما ينبهوش غير التأليس!!
طالع عينه صبح وليل.
وتخلى حياته كوابيس!!
تاكل تنكر تلبس تنكر.
وان زعلها تقول يابوليس؟!
وما فيش فايدة چنات ف الدم.
ملعون ابو علم المواريث!!
....مش لاقى ف روسيا ولندن...
....أو حتى باريس؟؟؟؟
قلة وعى وجهل وفقر.
وناس ف خراب مالطه بتهيص!!
منفخوه من بره ع الفاضى.
ومن جوه شبه البلاليص!!
تلاقيها ف الهايف تتصدر.
لكن ف الجد تلاقى تهجيص!!
بيتوه الحق ف الباطل.
والعقل صبح من غير فوانيس!!
لا فى حكمه والا قولة عدل.
والا عشرة بتشفع لعزيز!!
فما تستغربش لشئ من ندل.
والا تستناش الخير ف خبيس!!
.....مش لاقى ف روسيا ولندن..أو حتى باريس؟؟؟؟؟
..... رجاله مقهوره من الستات.. أصل الستات منهم بيغيظ؟؟!!
بقلم/الشاعر.
السيد حسن السيد.
6/2/2021
ليست هناك تعليقات:
إرسال تعليق