مافيش رئيس..64
مافيش رئيس مش عايز يسعده شعبه ولا يكسر بخاطره
عشان مش هايكون ف صحه يدافع بيها عن بلده
الرئيس لازم يكون عملي مش ها نفضل ناكل ونشرب ونفضي ونعيش وسط الزحمه
لازم نبني ونعمر بلدنا ونزرع الصحرا دا فيها أراضي بالجمله
نتحمل معاه المسؤلية ونكون ايد واحده ونباشر عملنا هانحس بالنعمه
ونشوف مصر حاجه تانيه وبالصبر ربنا هاينصرنا ونكون افضل دوله
احنا بنضحي عشان خاطر ولادنا مش كله اكل ومايه
ما احنا ياما سافرنا واتغربنا وكل يوم شارع وسكه ونخدم ف دول تانيه
يبقى بلدنا أولى نثبت فيها وجودنا ونعالج مشاكلنا ونستخدم عقولنا وذكأنا
مش نفضل نشتكي جوعنا ونبكي ع حالنا ربنا مش هايسعد شعب و احنا قاعدين ف بيوتنا
لازم نقدم ونثبت للعالم جدارتنا وندعي من قلوبنا ان ربنا يسعدنا
ويبارك ف رئيس وجيش عايز يساعدنا يبقى ليه دايما حاسين بعجزنا وفشالنا
مانحافظ ع أشغالنا عشان نعرف نربي ولادنا ونساعد بعض من غير ما شخص غريب ف الغربه بالكلام يجرحنا
مصر ام الدنيا وماحدش يقدر يقول عليها كلمه مهما كانت الظروف والمشاكل اللي بتطاردنا
يبقى نعقل ونهدى وبالصبر ربنا هاينصرنا ويعلي من مقامنا
صدقوني ياخوانا دي ازمه لكن كله ف صالحنا ومع الوقت هانفرح ونحقق أحلامنا
يارب بارك فى رئيسنا وشعبنا وجيشنا وتفضل مصر دايما ف القمه أصحاب العقول البارزه والسعادة اللي ف انتظارنا.
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا..
الشاعر طاهر مختار عتيت
شاعر العصر...تحيا مصر
طنطا..كفر الزيات...اكوه الحصه
ليست هناك تعليقات:
إرسال تعليق