.........من وحي الخيال......
يابحر حبي أنت ياشاطئ الشوق
يا اللي بحياتي ما قدرت استغلّه
ياللي مقامك بالحياه معتلي فوق
في ذمتي للحين ماحد وصلّه
أنا بغيابك والبعد صرت مخنوق
مخنوق وهذي دولتي مستحلّه
القلب في بعدك مكدر ومحروق
واخاف جمره تحرق الصدر كلّه
أغليت منطوقك على كل منطوق
وكم قلت يمكن ياعساه ولعلّه
يمكن مع الأيام من غفلته يروق
ونسهر أنا واياه سهرات فلّه
مادام إن العمر يصحاب مسروق
يمكن يجي غيري بغفله ويشلّه
#أيمن_عبدالله_حزام
ليست هناك تعليقات:
إرسال تعليق