انت قصيدة بقلم محمد الحاجي

 انت قصيدة..

تكتبت في شكل حكاية..

لحنها الزمان..

و صارت احلى غناية..

انت صورة..

رسمها فنان..

في اغلى مكان..

و طلعها لوحة مرصعة..

بكل الألوان..

و مطروزة بالمرجان..

و في وسطك برشة هدايا..

انت للروح قصة جميلة..

عمرها بالسنين..ثلاثالاف..

وجمالها شفاف..

كيف ورق الصفصاف..

و كيما الحنايا..

زينها دقيق الاوصاف..

يتحس و يتشاف..

من كل الزوايا..

انت رواية..

محصنة قلعتها..

و قوية أميرتها..

و ملكها عتيد..

شديد.. عنيد..

ما يخاف المنايا..

انت رواية..

حتى كيف تحتضر ما تموت..

و يعطيها المولى....

روح جديدة.. و طاقة جديدة..

و يرفعها..

و يرفعلها الراية..

انت هواية..

رغم المصاعب الي عشناها..

ديما حبيناها..و تمسكنا بيها ..

من كل مدينة..

و في كل دشرة..

و كل ولاية..

انت قصة و رواية..

انت احلى حكاية..

انت البداية و انت النهاية..

.......محمد الحاجي.......