قلم/ نورهان محمد علي
****************
بكرة بعيني هكون شايف
أرواح الحب هلة من الحبايب
كانت شارية كانت شايلة في عينيها فرحة للي غايب
بكره قلبي الأبيض هيشوفني لابس
توبه الأبيض سادل نوره ع الجبين وانا مش خايف
سارح في ملكوته
سايب ذكرى يوم ما فارق
بكره هبني
بكره هضحك
من القلب اللي دايب
لما كان له حمل وشايل
كان بيغفر
كان بيقدر
كان بيعدي
بينور بإيده طريقه ويصبح شايف
بكره فرح العمر كله
هيكون
يومها هيمحي كل جرح وكل فرح يترسمله
سلم عالي
بكره اكون في العلالي
بكره اشوف بنات الحور
كانت بشري مع أمنية
والنهاردة طريقي أهو
أصبح واضح
بكره أنادي بعلو حسي علي الحبايب
وأنده فينكم لما نبقي صحبة حلوة
كانت صالحة في الحياة
كانت سابقة طريق هناك بيشاور
وأفضل أمشي وأبقي واصل
ألقى جنة مع الحبايب
بكره نكون أجمل صحبة
كانت ناسية الدنيا
كل همها بس يوم ما نفارق
بكره أكون وأكون وأكون
وأبقي مُنعَم وأحكي وأقول
ألاقي صحبة بالطابور
تسمعلي وعمرها ما تمل ولا في يوم تقول........
أصله كان وكان وكان......
تفضل تبني في الخيال
بكره ييجي وعد بيقول
اتنقل لرب غفور
بكره هفرح لما اشوف
كل الناس تنادي وتقول
كان هو إبن الأصول
كان حكاية صعبة الوصول
كان بيدي مش بياخد
بكره هكون بعيني شايف
بكره أقول وأقول وأقول
وألقي صحبة حلوة تسمع
مهما قولت ومهما عدت
مش هَتْاخِد يوم مخالف
مش هيقولوا أصل إنه
يحكوا قصة وتبقى عنه
ينسبوها غير حقيقته
يلقي صحبة ترد غيبته
بكره جاي مع الحبايب
هتلاقيني معاهم شايف
بكره نبقى صحبة حلوة
والحياة هتكون زالت
نفرح لمة لما نلقى جنة
في بدايتها رسولي واقف
ليست هناك تعليقات:
إرسال تعليق