بنحلم بس مش بنطول
وبنعافر عشان نوصل
وديماً في الوجع بنقول
ياريت الفرح لو هيحصل
بنتعب والوجع بيطول
ونشقي بردوا ونعافر
بنكسب بس في خيالنا
ونيئس لحظة ونسافر
ونتألم ونتعلم وبنسلم لمعني الحلم
بنتأمل جمال الرحلة لو هتم
وفجأة الحزن يتغير
وكل تعبنا يتداوي
ونوصل للي رايدينه
ونضحك واحنا في القمة
وكل أملنا حققناه
حياة بتضحك لنا فجأة
رمينا الحزن في الأدراج
ودوسنا بشدة عالمعناه
وجرح قلوبنا أهو بيلم
ونصحي للأسف بدري
ونحزن ان دة كان حلم
نجوى محمد
ليست هناك تعليقات:
إرسال تعليق