ريح عمتصفر
قالوا أتانا فلان تايحلحل عقد
طلع الحكي مغلوط بزيادة عقد
المركز كبير ولازموا سيد كبير
يحكي بإسم الكل لحقوق البلد
لكن أسفنا هون ماطاع المدير
تمرد وقال الطوع للأعتق ودد
يعني رجعنا نار تشعل بالهشير
بحر الهجير وريح بتذر الرمد
السجاد للأسياد والملبس حرير
بحال الغلاء المال عندو منوجد
بينما العترة عالمعطل والفقير
بينام طاوي عالبطن صم وصلد
مستفرش التربة ومتلحف حصير
حال الفقر بالناس لايقبل حسد
والأتعس من الكل هالطفل الصغير
بيصرخ بيقول ألأب قومي للولد
بتجاوبوهي ريح عمتصفر صفير
ومنين بدي أطعمو وضرعي جمد
وباقي مآسي موجعة منها كتير
في كل ملة وطائفة وزيد العدد
ورسمالنا وأموالنا بحكم الأمير
بتسحب كذا بالشهر هذا المعتمد
يارب ترحمنا وتجبر هالكسير
وتلطف بأحوال العباد وبالبلاد
وتنهي مآسينا ما بق نحمل جلد
بقلم الحاج محمد سعيد
ليست هناك تعليقات:
إرسال تعليق