-شوق-
*****
راسم خيالك أنا من أول التَّكوين
بحروف سر الشَّوق عم تحكي
بورد وعطر وفراش وحساسين
ونحلات ثغر الزَّهر عم تشكي
كرمال حضن الدفى شو بنطر كوانين
وإيدين جوا فراش مشتبكي
فكرت فكفك عقدة فساتين
ومن نص تمِّك أسرق العلكة
وجوا فراشك دوِّر طواحين
وخلي طيور الصَّدر عم تبكي
بفورة جنون وثورة براكين
ورماد من آهاتنا بيشكي
دوَّار فينا البحر ومبلش التنين
وشباك ضمن الموج ملتبكة/ي
الليلة أنا شو ناطرا من سنين
نقطف ثمار الحب بالشركة/ي
بقلمي.
محسن محمَّد فندي
M.M.F
********
ليست هناك تعليقات:
إرسال تعليق