مستنيه فرحه (312)
.................
قالوا دي الأيام هتناسيكي
وطلع أوهام ..
لسه الأحزان جوايا
عايشه حكايات وكلام
لا أنا حاسه إتغير
حاجه فيا ..
ودموعي ألام ..
أهرب من ماضي أنا فيه
دايبه ورا سجن ملام
أسهر أيام
شارده وسارحه
مجرد عايشه
بلا روح وأمان
مستنيه فرحه تجيني
أمسح في دموع
ترتاح عيني
لسنين قدام
تتحنى كفوفي ومن تاني
بزفه وطرحه
وأتوه وبعمري اللي نسيته جوا الأحلام
وأرسم لي طريق
من غير عوده
وأشطب أيام
كوياني ليلها
بقسوه وغربه
مكسوره نفسي
بين أهلي كمان ..
وأرجع وأقول حتى نصيبي عني إتبدل
فات أملي في نص طريقه تايهه كارهه الماضي ويا ريته ما كان
هتعود إني ما أغمضشي
عشان ما أحلمشي
ولا أعيش أوهام ..
بقلم .. صبري رسلان
ليست هناك تعليقات:
إرسال تعليق