وبحب إسكندريه
بقلم الشاعر. أحمد حمدى شمعه
وبحب إسكندريه
دول ناس غاليين عليه
واللمه الحلوه تحلى
عا البحر وأحلى ميه
والسحر اللى ساكنها
وقلوب حلوه ورضيه
عا الموجه عيال بتلعب
والضحكه المتداريه
عشاق بتقول وتحكى
فى ليالى إسكندريه
وإتغنت أحلى غنوه
عن بحرى وعا الحوريه
والشمس تغيب تروح
والموجه رايحه جايه
عا القهوه نروح ونسهر
تتلم الصحبجيه
والبحر بموجه يضحك
والميه تطير عليه
أضحك ليها وأغنى
فى جمال اسكندريه
بقم الشاعر
احمد حمدى شمعه
ليست هناك تعليقات:
إرسال تعليق