(قصيدة)
_______(بنت النيل)
_____&____
قالوا البياض حلو يا محلاه.
قلت والله السمار منه أحلاه..
وحياة من خلقه وصوره سواه...
ما فى طيبة ولا خفة دم.
و ف كل البياض ما تلقاه ....
يابنت النيل دا لونك بطمى نيلي.
يا بشرة خير وشريان الحياة....
الصدق لاقيته ف قلبك والراحة معاه....
ياللى إن زعلت يوم ألاقيكى تطبطبى.
وعيونك من الحنان تبكى يا ولداه....
يا أم قلب أبيض من الحليب.
لا فى مكر والا عكاره جواه....
تغيب الشمس وطيفك عني ما يغيب.
وان نده قلبي عليه ف لحظه يلقاه....
رغم سمارك زى البدر فى ليله.
ضحكتك تقلب الحزن فرح وتخلى جمالك اعلاه....
كيف الجمل ف خطوتك ورقتك.
ف حضنك اللى ان ضم العليل شفاه....
الخير تحت رجليكى فين ما تروحى.
وان خطى قدمك البركة والسعد وياه....
عليكى صبر وإيمان وحلاوة روح.
يا بخته اللى بفوز بيكى ويا سعده يا هناه....
الأم دعياله والأب راضى عليه.
ونال ف الدنيا والأخرة من ربه رضاه....
بقلم شاعر العامية.
السيد حسن السيد.
18/4/2021
ليست هناك تعليقات:
إرسال تعليق