بنستناك يارمضان
،،،،،،،،،،،،،،،،،،،،،،،،،
من عامنول واحنا بنستناك
ليه غيابك طول يارمضان
من الأول بنسعد بالقاك
مشتقين لأيامك بقالنا زمان
تعالى هل علينا بنورك
وهات لينا فطارك وسحورك
بنفرح بنهارك لما نصومك
ونسهر ليك ويا القرءان
هل هلالك اهلا ياعريس
قلوبنا مشتقالك ياأغلى ونيس
الفرح عاد لأيامنا معاك
وشمع الهنا قايد فوانيس
انت ليه غايب عننا
مش معانا وفايتنا لوحدنا
يارمضان انت هوانا وعشقنا
وفى قلوبنا لك مكان
الفرح ديما ملوش مواعيد
وانت قدومك هلال وعيد
ياشهر الصوم والأحسان
والخير كمان معاك بيزيد
قبل يوم الوداع والهجر
بندعيلك فى ليلة القدر
تعود لينا ياأكرم شهر
واحنا بالصبر هنستناك يارمضان
.......
بقلم..الشاعر
الأمير _محمود
ليست هناك تعليقات:
إرسال تعليق