طبع فيك
بقلم الشاعر احمد حمدى شمعه
عارفه إنى مهما هعمل
مش هغير حاجه فيك
مهما نمت جوه حضنك
مهما قلت أنا كلى ليك
مهما ضميتك فى قلبى
مهما قلبى يخاف عليك
جوه منك حاجه واحده
صوت أنانى وبيناديك
إن أنا مش ليك لوحدك
وإن ليه معاك شريك
جاى وبتقول عا الخيانه
طب دى أول ميزه فيك
بعت عمرى وقفت جنبك
وإتصدمت فى حبى ليك
بعت أقرب حد ليه
وإشتريتك عشت ليك
الخيانه دى فيك لوحدك
أما قلبى خلاص نسيك
بقلم الشاعر
احمد حمدى شمعه
مصر بنى سويف سمسطا
ليست هناك تعليقات:
إرسال تعليق